Match sweet Match no Sweet I carry FA CUP, Na him be koko

Blue na the colour,Chelsea na the name!! Ok so the yans wey i don dey hear since yesterday na say Chelsea and Manchester United play dry match wey no sweet..Well i gree say the match no too kpef like dat, but una gast to remember say these na 2 Big teams wey been no find this season easy at all. Both of them never win anything and yesterday was their last chance to make sure say them no finish the season with Hand inside pocket.


“Mourinho is a cup final coach”  “Mourinho no dey use eye see cup” na the yans wey i been dey hear bifor the match start. And even though na true say Mourinho our Former coach get good record for Finals e no mean jack..My boys been dey determined to make sure say we leave that stadium as FA Cup champions. Arsenal do us strong thing  last season final, na Man U we go come allow them do us back to back strong tin? Tufiakawa only we waka come?

Conte lifts the FA cup aloft



Eden Hazard sure guy, na him ginga Chelsea to a 1-0 victory. And i gast praise the guy for how him take win that Penalty for Chelsea. The guy use Phil Jones head like mumu

The 27-year-old forward though rumors of him moving away this Summer still dey strong, i no fit beef the guy abeg.

Him show say him mean business as he turn that first half into Hell for Man U defender Phil Jones – the United man was very clumsy as he wan tackle Belgian Messi on 22minutes chop man leave ball.

Manchester United after the 1st half been Improve small and former Arsenal danger man Alexis Sanchez had a goal ruled out for offside, but even the late entry of Former Chelsea man  Romelu Lukaku who been dey return from injury could not force an equaliser.

It meant a sweet victory for Antonio Conte over his fierce rival Jose Mourinho. Conte deserve praise for how he tactically set up him Team. He kuku know say Martial and Rashford are dangerous on the flanks so he was constantly reminding his defenders to force Manchester United to play through the centre. Where Chelsea are Strong.

I also gast give 3 gbosa for Courtois, Yesterday he show say him no be legbere. He came up with several good saves and commanded his penalty area with authority.

We still don’t know if this game na Conte last game in charge. Him talk say him still dey commited to Chelsea, but that he cannot change his style of management. Well na there the K- leg dey oga Conte. This ya stubborn style of Management i no sure say e go work.. but that one no be for me to decide. Abrahamovic and him staff go handle that one. Me just dey here dey sip Cold Wine cos bros i no finish Season TROPHYLESS…


UP BLUES…see you all Next season. Enjoy the WORLD CUP!

You might also like More from author

Leave A Reply

Your email address will not be published.