Liverpool na god save una…chai e pain me o!
Nothing dey pain pass make team we u don beat finish score you dying minutegoal to collect 1 point when dem no deserve natting!
Na so livepool come Stamford bridge come rob us of 3points wey my boys wan use kpef thiersef this weekend. After we slap them for Carabao cup last week for thier mind dem say dem dey come for Revenge…if i hear..when my boy Hazard dey on red hot form.
Oga Sarri don been ready for all of them. Mane a.k.a ele-eran run all the run wey him sabi yet nothing 4 am, salah nko? We show am say Ileya don pass na till next year..our guys for midfield Kovacic Kante did a kpefilicious job ensuring we kept contol 100%
Hazard no been waste time open the scoring..as per say confidence full my guy body ..u want try as him collect ball from Kovacic flash one nice shot with left past Liverpool keeper Allison. Hazard dey sweet my belle now ehn..u go fear form.
As 1st half end ..we take the lead enter 2nd half. Liverpool try all their best but we don determine to collect 3 points..Until klopp introduced Sturridge late into the game..the guy a former blues player, con flash one kind bastard shot from far wey Kepa no fit stop..1-1.
If i say e no pain me i lie..but no lele..we dash them..we go catch them another day.