CHELSEA WHICH KAIN CHRISTMAS GIFT BE THIS Na??
Abeg make nobody wish me Merry Christmas..im not in the mood please. Blues just carry full trailer of sand sand pour inside my small cup of Garri.. me wey just dey bubble say Christmas don reach, overhappiness just dey worry me..Weekend come land, our match with Leicester wey i don already put as straight win, see wetin happen.
Jamie Vardy with him crayfish leg wey i no know when last him score for Premier League na him open our net on 51minutes with a sharp Turn and shot that left Kepa motionless. Im no go too blame Kepa sha..No be him fault. Infact na Kepa try pass all the Chelsea players yesterday. If you see the shot wey Ndidi Wilfred fire am for 2nd half wey him save ..u go fear.
I jusy beleive say wetin kill us for this match na say we underate Leicester city. Overconfidence na him kill us bone.
Chelsea been hit the crossbar in the first half and the post in the 90th. In between, Antonio Rudiger narrowly missed header and David Luiz miss goal wey my gran mama fit score.
Baba Sarri been suspect say e be like say we wan shit for church na him he make substitution bring in Olivier Giroud up front, also Ruben Loftus-Cheek and Cesc Fabregas to try see if them fit save our yansh. for where?
Eden Hazard as usual try him best but na bar him shot hit the one time he see space shoot. As those Leicester defenders wey be like Giant..McGuire and Morgan just pigeon hole my guy..
Sarri said after the match: “After the goal, the reaction was, for me, a strange one. Not in the right direction. Not as a team. But as 11 different players. It’s important to play again in four days. It depends upon our reaction after the match, in the next three days. But I think that it’s very important to play immediately.”
So me i no wan know i want to see a reaction against Watford on Boxing day. Any thing short of 3 points i fit vex enter london with my Koboko.
Anthonio Rudiger use harsh words to describe his team :
“It’s a disaster. We don’t talk about the title any more.
“If we can’t win these games, we can’t compete. We only talk now about top four.
“Maybe it’s a lack of mentality. Stupid.”
abi u don see am..make i keep quiet till Wednsday.