Chelsea no be Amaka,she no dey disappoint

NO TIME! 3 GAMES 9POINTS …you wan try us. Newcastle everybody know dey always give chelsea wahala especially for their stadium but today the thing wey Kpef me pass na the desire, the determination wey my boys show to get that 3 points at all cost.


Sarri na new manager, but already i don dey see why people speak highly of him, Chelsea set a club record number of passes in a single Premier League game in this  2-1 win over Newcastle.Check am out na, Chelsea made 913 passes against Rafael Benitez’s team, with 838 reaching their targeT..Chai we don turn to Barcelona of London be dat..

New signing and Sarri’s right hand man wey him package from him Former Club Napoli ,Mr Jorginho (i don give am name “Passing Engine”) was Kpefilicious once again and showed himself as Chelsea’s Engineroom, making 173 passes (158 successful). Only one man o.. Newcastle as a team dem only manage 200 passes with 182 accurate meaning say Jorghino play more passes than the whole Newcastle team combined! abajo..

Had it been he made one more, he for Equal the Premier League record wey Ilkay Gundogan of Mancity set in March with (174)

Mathematical Sarri


The match na we control am from start to finish, The Newcastle people i no know whether ba tactics o abi na fear o..dem just park Bus , Lorry, Tipper and Container fro their Half say make dem no concede. Hazard, Kante and Kovacic were running things with Jorghino..My Boys were playing well creating  chances but Newcastle just wan pour sand for we garri.


Chelsea were handed a penalty after Alonso was brought down by Fabian Schar with Eden Hazard scoring from the spot for 1-0 to open that their net we e be like say otumppko dey inside.

The from no where Joselu grabbed score one kind yeye equalizer wey no suppose count for Newcastle as replays show Deandre Yedlin elbow Giroud before the goal.

But as baba God no dey sleep incredibly, Alonso delivered a cross-shot deflected into the net by the same Yedelin. It was after Giroud headed back Willian’s free-kick. 2-1 chelsea…

Although all goals all came in the last 15 minutes of the game Chelsea were dominant throughout, enjoying 81 per cent possession and having 15 shots to the home side’s six. No ojoro na we deserve the wijn

We still dey adapt to our new coach’s playing style, but  nobody wey fit say him no dey see Sarri’s influence as per Chelsea constant movement of the ball. I con dey imagine how we go dey when we don adapt finish nko? cheeeee…

Newcastle no vex u hear..Today was not your day..I kuku like Rafa Benitez  so i go wish una luck in your Next game..Meanwhile una don make mistake Give Chelsea a good start this season..Look out for us..Liverpool and Mancity..

You might also like More from author

Leave A Reply

Your email address will not be published.